Megan Fox mund të jetë në rrugën e duhur për të formuar një marrëdhënie serioze me Machine Gun Kelly.
Ndërsa aktorja vazhdon të kalojë gjithnjë e më shumë kohë vetëm me këngëtarin, duke lënë pas ndarjen e saj nga burri, Brian Austin Green, “News E” raporton se dyshja po shijon çdo moment që po kalojnë së bashku.
Megan, 34 vjeç, dhe Machine Gun Kelly, 30 vjeç, fillimisht u takuan në një film të cilin ata po bashkë-interpretojnë, por pasi prodhimi u ndalua për shkak të pandemisë, ata vendosën të vazhdojnë të njihen me njëri-tjetrin më shumë dhe përtej filmit.
“Ata kanë dalë shumë me njëri-tjetrin që nga koha e mbylljes së filmit të tyre dhe kjo kohë ka qenë e mirë për ta. Ata janë intriguar nga njëri-tjetri dhe argëtohen shumë.”- ka thënë një burim për “News-E”.
Për më tepër, ylli i “Transformers” po ndjehet më mirë falë dashurisë së re në jetën e saj.
“Ajo ka qenë vetëm me Brian për shumë vite dhe kjo është shumë ndryshe. Po e shijon shumë”.
Të mërkurën, Megan dhe MGK, emri i vërtetë i të cilit është Colson Baker, u panë duke lënë shtëpinë e tij në Los Angeles pasi kaluan natën së bashku.
Nga ana tjetër, burime të tjera thonë se Brian po shpreson që ai dhe Megan të rikthehen sërish bashkë.
“E ka të vështira ta shohë Meganin të dalë me dikë tjetër, por ai po përpiqet të plotësojë kohën e tij me fëmijët dhe miqtë e tij,” shpjegoi burimi.
Fox dhe Green filluan lidhjen në 2004 dhe u martuan në 2010. Ata kanë tre fëmijë së bashku: Noeun, Bodhi dhe Journey.
