Në janar të këtij viti, legjenda e basketbollit, Kobe Bryant dhe vajza e tij 14-vjeçare, Gianna, humbën jetën në një aksident tragjik me helikopter, së bashku me 7 persona të tjerë.
Vdekja e tyre hidhëroi botën dhe copëtoi zemrat e familjarëve.
Tashmë, bashkëshortes së Bryant, Vanessa-s, i duhet të rrisë e vetme 3 vajzat e tjera dhe për t’u shëruar më shpejt nga dhimbja e madhe, asaj i është dashur të marrë vendimin drastik.
Në një postim në InstaStory, Vanessa ka treguar se ajo dhe vajza 17-vjeçare kanë bllokuar të gjitha adresat e fansave të Kobe-it në Instagram.
Kjo jo për arrogancë, por pasi e kanë të pamundur të shohin gjatë gjithë kohës foto të basketbollistit dhe vogëlushes, pasi ndjenja e hidhur e humbjes së tyre është gjithmonë prezente.
Ndaj, ata e kanë menduar bllokimin e faqeve të fansave si zgjidhjen më të mirë për ta ndihmuar veten të shërohen.
“Faleminderit shumë për dashurinë! Unë dhe Natalia fatkeqësisht jemi detyruar të bllokojmë të gjitha faqet e fansave sepse ka qenë shumë e vështirë të futesh online dhe të shikosh vazhdimisht foto të të dashurve tanë, Gigi dhe Kobe. Bllokimi i faqeve të fansave ka ndihmuar në ndryshimin e algoritmit. Ju duam, por ju lutem kuptojeni që na u desh ta bënim këtë për t’u shëruar, jo sepse nuk ju vlerësojmë.”- sqaron Vanessa ndjekësit në një postim në Instagram.
Së fundmi, në një postim në llogarinë e saj në Instagram, ajo ka treguar se ka përjetësuar në trup një tatuazh në nderim të bashkëshortit dhe vajzës së saj.
Menjëherë ajo ka marrë mbështetjen e mijëra njerëzve të cilët nuk kanë nguaruar t’ja shprehin admirimin e tyre për këtë veprim që ka bërë.
