Ditën e sotme është zhvilluar provimi i matematikës për maturantët e të gjithë vendit, i cili është edhe i treti në radhë pas gjuhës së huaj dhe gjuhë-letërsisë.
Sapo kanë mbaruar provimin, maturantët janë mbledhur sërish përpara Ministrisë së Arsimit për të rinisur protestën e tyre.
Ata kanë dalë me pankarta në duar dhe bëjnë thirrje me zë të lartë.
Të rinjtë kanë protestuar prej disa ditësh dhe shkak i nisjes së protestës u bë provimi i letërsisë.
Maturantët i kërkuan Ministrisë së Arsimit të bëjë rivlerësim të provimit si dhe të ulë pragun e notës 9 dhe 10.
Pas protestave të maturantëve për vështirësinë e testit të Gjuhës Shqipe, Ministria e Arsimit mori vendimin për të bërë disa lëshime. (Lexo këtu)
