Një blogere fitness-i u bëri thirrje fansave që të heqin dorë nga peshorja, pasi demonstroi se si pesha e saj ishte rritur, kur trupi u bë më i tonifikuar dhe i ngjeshur.
26-vjeçarja Kelsey Wells, e cila ka një profil në “Instagram” me emrin “My Sëeat Life”, ka më shumë se 300,000 ndjekës, i këshillon njerëzit që të mos varen më në numrat e peshores “idiote”, ndërsa publikoi tre foto të bashkuara të vetes, duke shkruar peshën mbi secilën prej tyre.
Ajo tregon se, nuk janë kilogramët e peshores ata që tregojnë bukurinë e trupit.
Ajo krahasoi tre foto më të njëjta rroba, por me peshë të ndryshme. Në foto ndryshimi është gati i dukshëm, pasi vihet re rritja e masës muskulore.
Gjithçka nisi pas shtatzënisë, kur Kelsey vendosi të humbiste kilogramët e tepërt. Edhe pse u dobësua shumë ajo nuk ishte e kënaqur me trupin e saj. Derisa një ditë kuptoi se gjithçka varej nga aktiviteti sportiv.
“Jeta ime ka ndryshuar shumë, nuk jam ndier kurrë kaq mirë edhe pse tani jam dy masa më shumë”, shpjegon Kelsey në rrjetet sociale duke këshilluar ndjekësit e saj që të mos mbajnë dieta drastike, por të bëjnë një jetë të shëndetshme me aktivitet fizik.
Burimi: Daily Mail
