Një nga memet që u shpërnda më shumë pas provimit të Gjuhës Shqipe, ishte ajo që lidhej me Turin!
“Çfarë bëri Turi se na iku truri”! ishte dhe një nga pankartat e maturantëve që protestuan sot për pyetjet e vështira dhe disa edhe absurde që ranë gjatë testit.
Njëra prej pyetjeve kishte dhe një situatë imagjinare me një personazh të quajtur Turi, për të cilin duhej të zgjidhje alternativën e duhur si më poshtë.
Pas gjithë zhurmës që u krijua me Turin e maturës, Drejtoresha e Qendrës së Shërbimeve Arsimore, Rezana Vrapi dha në A2 zgjidhjen e kësaj pyetjeje.
Shefja e QSHA qartësoi se në variantet e tezave të provimit, përgjigja ishte e renditur ndryshe dhe në alternativën që lexoi maturantja Kejsi Spahiu, ajo tha se përgjigja e saktë ndodhet nën alternativën D.
E megjithatë, një maturante e ftuar u shpreh se kishte një numër shumë të madh të pyetjeve që ishin me fund të hapur, që kërkonin subjektivitet.
Drejtoresha e Qendrës së Shërbimeve Arsimore theksoi se një pjesë e madhe e testit të gjuhës shqipe ishte identik me modelin.
“Tekste të ndryshme kanë natyra të ndryshme. Teksti argumentues ka një strukturë të veçantë, teksti rrëfimtar ka një strukturë të veçantë, tre nga alternativat nuk i takojnë kësaj strukture dhe vetëm njëra është fiks në natyrën që ka fragmenti. Kjo është pyetje e thjesht e nivelit të dytë. Një pjesë e madhe e tekstit të gjuhës shqipe është identik me modelin. Ka pasur pyetje të gramatikës dhe janë identike si te modeli”.
https://www.instagram.com/p/CBWJlAtlf3N/
