Ditën e djeshme, fansat e dy reperëve më në zë të momentit, Ledri Vulës dhe Capital T, u çmendën pas lajmit se djemtë po sillnin bashkëpunimin e tyre të parë.
“Iconstyle.al” publikoi foto nga mometet e xhirimeve, ku fansat kishin pozuar me reperët ndërsa fotot nuk mundën të mos i ndanin me ne.
Ledri dhe Kapo shfaqeshin të veshur me këmisha verore teksa xhironin në një vend të rrethuar me kodra të gjelbëruara, ndërsa ne u bëmë tepër kuriozë për këtë bashkëpunim.
Sot, “icosntyle.al” ka siguruar një tjetër video nga momentet e xhirimit të klipit, që me siguri do të jetë klipi më i nxehtë i kësaj vere.
Kapo dhe Ledri po xhirojnë në plazh, ndërsa modele të klipit do të jenë edhe 3 bukuroshet Tula Abedini, Xhesi Muçaj dhe Melisa Toska.
Vajzat kanë ndarë në InstaStory foto e video me njëra-tjetrën, ndërsa tregojnë se po xhirojnë gjithashtu në mes të detit.
As Capital T dhe as Ledri nuk kanë bërë ende të ditur asgjë lidhur me këtë bashkëpunim, mirëpo ky lajm i bukur s’mund të mbahej dot sekret për më gjatë.
Po presim me padurim bashkëpunimin e parë të djemve që me siguri do të bëjë namin këtë verë!
