Emergjenca Covid-19 ndikoi në shtyrjen e Lotarisë Amerikane dhe të gjithë aplikantët që prisnin me padurim shpalljen e fituesëve më 5 maj, janë detyruar të presin akoma më shumë.
Departamenti Amerikan i Shtetit do të publikojë ditën e sotme emrat e fituesëve të Lotarisë Amerikane.
Lista e plotë do të publikohet rreth orës 18:00.
Duke filluar nga pasditja, kushdo që ka aplikuar do të ketë mundësinë të përdorë numrin unik online në faqen e Kontrollit të Statusit të të Regjistruarve.
Më herët, Ambasada tregoi se shtyrja e përgjigjeve të aplikimeve nga data 5 maj në 6 qershor nuk do të kishte impakt negativ.
Njoftimi i plotë
“Departamenti Amerikan i Shtetit është duke e vonuar hapjen e kontrollit të statusit të regjistruesit për DV-2021, deri në datën 6 qershor 2020. Ky ndryshim është për shkak të përgjigjes tonë në lidhje me pandeminë COVID-19, e cila nuk do të ketë ndonjë impakt negativ në administrimin e DV-2021. Për të parë nëse janë përzgjedhur, të regjistruarit e DV-2021 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare të E-DV-së. Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre. Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve” shkruante Ambasada.
