Kanye West është ofruar që të paguajë tarifën e plotë të kolegjit të Gianna Floyd, vajzës së George Floyd.
“TMZ” bën me dije se Kanye do e paguajë për 6 vite me radhë tarifën e shkollimit të vajzës së afro-amerikanit, i cili humbi jetën nga ish-oficeri i policisë që i vendosi gjurin në qafë dhe ai nuk mundi dot të merrte frymë.
Gianna është vetëm 6 vjeç dhe së fundmi ajo është parë në një foto teksa qëndronte në shpatullat e xhaxhait të saj dhe thoshte se “babi ndryshoi botën”
Kanye gjithashtu ka dhuruar edhe 2 milion dollarë për familjarët e George Floyd: Ahmaud Arbery dhe Breonna Taylor, ndërsa do vazhojë të ndihmojë të gjithë njerëzit afro-amerikanë që kanë rënë pre e racizmit dhe janë dhunuar.
Vdekja e George Floyd, shkaktoi një valë protestash të dhunshme në Shtetet e Bashkuara të Amerikës, por jo vetëm.
Disa protestuan madje kanë humbur jetën e shumë të tjerë kanë mbetur të lënduar për shkak të dhunës së ushtruar nga efektivët e policisë.
Në raportin e autopsisë thuhet se vdekja e Floyd erdhi nga një arrest kardiopulmonar pasi oficeri i policisë në Minneapolis Derek Chauvin, i ngjeshi qafën për më shumë se tetë minuta ndërsa ishte duke e arrestuar.
Ai bashkë me 3 oficerët e tjerë janë arrestaur dhe po përballen me akuzat e vrasjes.
