Një ngjarje e rëndë ka ndodhur ditën e sotme, i cili ka tronditur opinionin publik. Një burrë 65-vjeç së bashku me tre të rinj kanë abuzuar seksualisht me një vajzë 15 vjeç.
Fatmirësisht këta persona tashmë janë arrestuar nga policia.
Autor i dyshuar, që punonte roje në shkollën ku mësonte vajza, quhet Abaz Doku. Në dëshminë e tij para efektivëve, ai nuk e ka pranuar që e kishte përdhunuar të miturën.
“Vetëm e kam prekur në vende intime, pasi ajo më afrohej vetë“, mësohet të jetë shprehur i moshuari.
Sipas detajeve të mësuara nga “Balkanweb” , ai jetonte në njëjtën lagje me 15-vjeçaren. Për një kohë të gjatë e kishte përndjekur të miturën, duke i thënë se do t’i shkruante emrin në muret e lagjes dhe do të shkruante fjalë ofenduese, në rast se ajo nuk kryente marrëdhënie seksuale me të.
Sipas të miturës, Doku kishte ngacmuar edhe vajza të tjera. Nisur nga kjo dëshmi, policia po heton nëse i moshuari ka abuzuar me vajza të tjera në shkollë apo në zonë.
Ndërkohë raportohet se ngjarja e rëndë ka ndodhur në shtëpinë e vëllait të Abaz Dokut, i cili ndodhej jashtë shtetit dhe çelësat i mbante 65 vjeçari.
Ai e ka dërguar vajzën atje duke abuzuar me të, ndërkohë që gjithçka e ka filmuar në telefon, pamje të cilët ia ka dhënë edhe tre të rinjve të tjerë të zones, të cilët në bashkëpunim me njëri-tjetrin, nën kërcënimin e publikimit të videos, kanë kryer marrëdhënie seksuale me dhunë me të miturën.
Më pas këta tri djem kanë bërë video intime që t’ua shpërndanin personave të tjerë.
Në dhomën e intervistimit të të miturve dhe në prezencë të nënës, psikologes dhe avokates, specialistët për Hetimin e Krimeve nën drejtimin e Prokurorit, kanë administruar dëshminë e vajzës dhe të gjitha provat që implikojnë shtetasit e lartpërmendur. Gjithashtu është bërë e mundur të sekuestrohen në cilësinë e provës materiale dhe dy telefona celular në të cilët ndodheshin videot.
Abaz Doku dhe tre të rinjtë me iniciale K.P., R.O. dhe F.B., akuzohen për veprat penale “Marrëdhënie seksuale ose homoseksuale me të mitur”, ”Marrëdhënie seksuale ose homoseksuale me dhunë me të mitur të moshës 14 deri në 18 vjeç”, “Shtytja e të miturëve në krim” dhe “Vepra të turpshme”, të gjitha kryer në bashkëpunim.
Në bashkëpunim me Prokurorinë po vijon puna për të verifikuar nëse ka persona të tjerë të implikuar në këtë rast të abuzimit seksual me dhunë me të mitur.
