Miriam Cani feston sot 35 vjetorin e lindjes dhe njerëzit e saj më të afërt u munduan që t’ia bënin sa më speciale këtë ditë.
Të shumta kanë qenë urimet që ajo ka marrë, por më i ndjerë dhe më romantik ishte ai i Alban Skënderaj.
Këngëtari i njohur ka postuar disa foto në Instagram, ku shfaqen të dy bashkë dhe e ka uruar Miriamin.
“Gëzuar ditëlindjen shpirt. Faleminderit që i jep ngjyra jetës time”, ka shkruar Albani.
https://www.instagram.com/p/CAz3aYDAWHW/
Por ai nuk ndalet këtu.
Albani i ka dërguar një buqetë të madhe me lule asaj së bashku me dy fëmijët e tyre. Ai u kujdes që t’i linte pusullën me fjalët më të bukura.
“Sot do donim të falnim të gjithë universin si dhuratë, por s’mundemi sepse ai për ne ndodhet brenda teje. Të duam pafund dhe faleminderit që bëhesh çdo ditë frymëmarrja jonë. Gëzuar ditëlindjen shpirt, Albani, Ameli, Duam”, ishin këto fjalët që ata të tre i dedikuan njeriut më të rëndësishëm të jetes së tyre.
Ka qenë vetë Miriami që e ka zbuluar këtë gjest kaq romantik në InstaStory.
