Polici nga Minneapolis, Derek Chauvin, i cili u shkarkua nga puna pasi shkeli në qafë një afroamerikan gjatë ndalimit, duke i shkaktuar atij vdekjen, më në fund është arrestuar.
Pas vdekjes së papritur të George Floyd që ngjalli protesta, rebelime dhe zhurmë në të gjithë Amerikën dhe jo vetëm, avokati i qarkut Hennepin, Mike Freeman njoftoi se ai është akuzuar për vrasje.
Të premten, John Harrington, komisioneri i Departamentit të Sigurisë Publike në Minesota, njoftoi se Chauvin ishte dërguar në paraburgim nga Byroja Penale në Minesota.
Një valë e gjerë protestash shpërtheu në SHBA pas vdekjes së Floyd, i cili u neutralizua dhunshëm nga disa oficerë gjatë një arrestimi, duke bërë që të humbasë jetën.
Pamjet e viktimës së shtrirë në tokë, me efektivin që i kishte vendosur gjurin në qafë, janë shpërndarë gjerësisht në internet, për të treguar sjelljen raciste të efektivëve, ndaj një personi me ngjyrë të paarmatosur dhe që as nuk po bënte rezistencë.
“Më dhemb stomaku. Qafa më dhemb. Gjithçka më dhemb. … Unë kam nevojë për ujë. Ju lutem. Ju lutem. Nuk mund të marr frymë, oficer. … Nuk mund të marr frymë. Nuk mund të marr frymë”, dëgjohet të thotë viktima në video i cili shihet teksa rënkon nga dhimbja!
https://www.instagram.com/p/CAsKK7sgmWz/?utm_source=ig_embed
Kalimtarët që dëshmuan rastin i kërkuan oficerit të ndalet dhe t’i kontrollojë pulsin, por ishte e kotë!
Oficerët e tjerë të përfshirë në këtë ndalim të paprecedent si Tou Thao, Thomas Lane dhe J Alexander Kueng, të dy në departament për më pak se tre vjet, u pushuan nga puna një ditë pas vdekjes së Floyd. Deri më tani, asnjë nga këta tre nuk është raportuar për arrest.
https://www.instagram.com/p/CAxNJEigTQU/
