Loredana dhe Zuna janë bashkë edhe pikë!
Ata nuk e kanë pranuar asnjëherë publikisht që janë në një marrëdhënie, por provat flasin të kundërtën. Së fundi, reperët janë parë bashkë në një ambient publik duke shijuar një kafe nën shoqërinë e njëri-tjetrit.
Në një fotografi ekskluzive të siguruar nga Telegrafi, reperja nga Ferizaj dhe Zuna shihen duke shijuar një pasdite në Schlieren të Zyrihut.
Takimi besohet të ketë ndodhur pas largimit të Mozzik nga Zvicra, i cili shkoi të takonte vajzën e tij të vogël Hana. Ata duken mjaft të lumtur nën shoqërinë e njëri-tjetrit, teksa shijojnë së bashku një kafe pas përfundimit të masave të rrepta të COVID-19 në Zvicër.
https://www.instagram.com/p/CAkVn97lgnI/
Dyshja ka qenë tepër aktive këtë periudhë pasi gjatë kohës së izolimit, sollën për fansat këngën e tyre më të re me titull “Du bist mein”, e cila në shqip do të thotë “Ti je e imja” që pati shumë sukses.
Publikisht, çifti ende nuk e ka pranuar lidhjen duke deklaruar se janë miq e kolegë të mirë.
“Mozzik është babai i fëmijës tim, ndërsa Zuna është partneri im… në biznes.”-ka deklaruar Loredana.
Megjithatë, një video e publikuar pak kohë më pas, tregon çiftin në avion duke shkëmbyer puthje në buzë.
