Mbrëmjen e sotme, kryeministri Edi Rama mbajti një fjalim në transmetim live në rrjete sociale, ku foli për situatën aktuale të koronavirusit në vend.
Ai njoftoi se kjo është java e fundit e masave kufizuese dhe e ndarjes së qyteteve në zona të gjelbërta dhe të kuqe.
Kryeministri bëri me dije se pavarësisht kësaj, do të vijojnë të bëjnë përjashtim aktivitetet sportive, dasmat dhe funeralet, kurse transporti publik do të rrijë mbyllur edhe për pak kohë.
“…Ata që kanë sy por s’duan të shohin nuk munguan por fatmirësisht ata ishin shumë pak dhe përtej fjalëve të kota, fyerjeve nuk u kthyen në thyerje problematike të masave. Kjo është java e fundit për masat kufizuese, me përjashtim të aktiviteteve sportive, dasmave dhe funeraleve. Transporti publik që do të rrijë mbyllur edhe për pak dhe plazheve që do të bëhet kundrejt rregullave, gjithçka tjetër do jetë si më parë.”
Kryeministri shtoi se përveç rasteve të përjashtuara, gjithçka tjetër do të jetë si më parë, teksa u shpreh se sjellja individuale e gjithsecilit nuk duhet të jetë si më parë.
https://www.facebook.com/138734771522/videos/1827380117418902/
