Në prill të vitit që lamë pas, Belen Rodriguez dhe Stefano de Martino u bashkuan sërish, duke u kthyer në kryefjalën e të gjitha mediave.
Në rrjete sociale nuk munguan postimet ku modelja dhe balerini konfirmuan lidhjen së bashku me foto romantike, madje u përfol se do të kurorëzoheshin me martesë për herë të dytë.
Mirëpo, nuk e dimë çfarë ndodhi mes tyre dhe gjërat u rikthyen sërish siç ishin më parë.
Mediat italiane shkruajnë se ata nuk janë më bashkë prej kohësh, për më tepër kanë fotografuar Belen-in në të njëjtin restorant me ish-in e saj.
E revoltuar nga këto lajme, modelja ka reaguar në një video në llogarinë e saj në Instagram, ku i kërkonte gazetarëve të bënin kujdes në shkrimet për të.
Belen u shpreh se nuk është përgjegjësia apo plani i saj që dikush të vijë në të njëjtin restorant me të.
Ajo theksoi se gjithçka kishte ndodhur rastësisht dhe rrëfeu se ditët që po kalonte ishin tepër të vështira.
Me këtë rrëfim, ajo pranoi në njëfarë mënyre ndarjen nga Stefano de Martino, me të cilin ka edhe një djalë.
Megjithatë, arsyeja e ndarjes mbetet ende enigmë për publikun.
