Loredana Zefi nuk e ka problem të tregojë sesi duket pa makijazh në orët e vona të natës!
Mbrëmë reperja e njohur shqiptare ka publikuar një video ku shhfaqet shumë natyrale në shtëpinë e saj!
Lorin e kemi parë shpesh të kuruar deri në detaj, por tani që koncertet janë anuluar përkohësisht, nuk është surprizë që Loredana të tregojë pamje të tilla.
Reperja po e kalon karantinën në shtëpinë e saj në Zvicër bashkë me Hanën e vogël dhe nënën e saj.
Por Loredana rrezikon të dëbohet nga Zvicra edhe pse ka vite që jeton aty. Ka qenë “Prive” që ka bërë me dije lajmin që ajo nuk ka një pasaportë zviceriane dhe aktualisht është qytetare kosovare.
Në vitin 2013, reperja thuhet se ka aplikuar për nënshtetësi zvicerane, por nuk e ka marrë atë dhe arsyeja mbetet e paqartë.
Nuk i dihet nëse në vendimin për ta dëbuar Loredanën ka ndikuar skandali me çiftin zvicerian ku thuhet që reperja i ka vjedhur gati 900 mijë franga së bashku me të vëllanë.
Kjo çështje ende nuk është mbyllur, pasi reperja tanimë akuzohet për mashtrim. Loredana do të dalë sërish në gjyq në muajin qershor për t’u përballur me akuzat e ngritura nga çifti zviceran, të cilat ajo i ka mohuar duke pretenduar se asgjë nuk është e vërtetë.
