Edi Rama ka sqaruar oraret për baret e restorantet, pasi ishin krijuar keqkuptime, duke thënë se në zonat e kuqe do qëndron të hapur deri në orën 21:00, ndërsa në zonat e tjera të vendit, pra të shpallura të gjelbra mund të rrinë hapur edhe përtej orës 21:00.
“Deri në orën 21:00 është e lirë lëvizja, pa autorizim.Edhe lokalet e restorantet mund të rrinë të hapura deri në këtë orë në zonat e kuqe. Ndërsa në zonat e gjelbërta nuk ka limit. Gjithmonë duke shërbyer jashtë, jo brenda.”
I pyetur se kur do të hapen kufijtë tokësor, ai tha se shumë shpejt do të ndodhë edhe ky veprim, teksa shtoi se do hapet kufiri me Kosovën, ndërsa nuk ka dhënë datë, pasi theksoi se datën e vendos qeveria në Prishtinë.
Sakaq, kryeministri u shpreh se transporti publik do vijojë të jetë i mbyllur, sepse paraqet rrezikshmëri të lartë, ndërsa turzmi do hapet.
“Nëse do të vazhdojë kjo opozitë kështu, do humbasë edhe më thellë. Transporti publik nuk do të hapet, sepse ka problematikë që e kam thënë. Palestra etj do të zgjidhen në ditët në vazhdim. Pritet që të hapen edhe kufijtë tokësor, kufiri me Kosovën etj. Kjo në mënyrë që shqiptarët që janë jashtë Shqipërie të mund të vijnë. Kufiri me Kosovën do të hapen e nuk ka nevoje per koordinim”, u shpreh Rama.
Kështu, Shqipëria ende nuk e ka një datë zyrtare rreth hapjes së sezonit turistik dhe kjo e bën më të vëshirë përgatitjen, teska bizneset i kanë bërë thirrje Ramës të hapë sa më parë sezonin turistik sepse janë në prang falimentimi.
/Gazetareforma.com
