Ish-kapiteni i Kombëtares Shqiptare, Lorik Cana, meriton të quhet babai i vitit pas kujdesit shembullor që tregon për të vegjëlit e tij.
Në janar të 2020-ës, futbollisti u bë baba për herë të dytë i një vogëlusheje që e quajtën Enkeleida.
Tashmë, Enkeleida dhe djali i madh, Boiken, janë kthyer në personazhet kryesorë në llogarinë e të atit në Instagram.
Loriku ndan shpesh momente me të vegjëlit e tij, duke treguar se kujdeset maksimalisht dhe kalon me ta pjesën më të madhe të kohës së tij.
Sot, futbollisti ka ndarë foton më të ëmbël me vajzën dhe djalin, që na kënaqi sytë!
Ata shfaqen të shtrirë në shtrat, të tre duke fjetur thuajse në të njëjtin pozicion, ndërsa e vogla qëndron mbi shpinën e babait të saj.
Duket se fotoja është shkrepur nga partnerja e Lorikut, Monica, e cila e ka dashuruar këtë pozë po aq sa ne!
