Mjeku Pëllumb Pipero është shndërruar në një ndër njerëzit më të dashur në këtë periudhë të vështirë që po kalojmë duke na dhënë shpresë dhe optimizëm gjithmonë që ai flet.
Ai sot ka qenë i ftuar në “Klanifornia” për të qenë pjesë e një nga skeçeve të realizuara me Albano Bogdon teksa ky i fundi ishte futur nën lëkurën e Blendi Fezviut duke drejtuar emisionin “Opinion”.
Mjeku Pëllumb Pipero u përball me një pyetje shumë të vështirë nga drejtuesi i emisionit Gilbert Fevziu, i cili luhej nga Albano.
Atij iu kërkua të zgjidhte se cilin do të shpëtonte mes Kryeministrit Edi Rama, Presidentit Ilir Meta dhe ish-Kryeministrit Sali Berisha, nëse të tre do të paraqiteshin në spital.
Gilbert Fevziu: Dua t’ju pyes, nëse do të vinin në Covid, në spital dhe do i kishit ju në dorë. Pra nëse do të vinin njëkohësisht Edi Rama, Ilir Meta dhe Sali Berisha dhe të treve ju duheshe respirator, e ju të kishit vetëm një, na e thoni hapur këtu, kë do të zgjidhnit?
Pëllumb Pipero: Berishën.
Gilbert Fevziu: Pse?
Pëllumb Pipero: E kam pas pedagog…
Gilbert Fevziu: E ça pastaj? Ilir Meta është më i ri mo, këta i kanë bërë vitet.
Pëllumb Pipero: Po a më pyete kë do të zgjidhja?
Gilbert Fevziu: Po a nuk kanë prioritet më të rinjtë në këtë rast?
Pëllumb Pipero: A më pyetët mua kë do të zgjidhja? Unë nuk jam si ata, jam ky që jam. Unë Berishën do të zgjidhja.
Gilbert Fevziu: D.m.th. do të lije dy djem të rinj të vdisnin dhe do zgjidhje Berishën, që është më i moshuar se këta?
Pëllumb Pipero: Do t’i jepja mundësinë maksimale Berishës.
