Babai i Lindita Musait, i cili qëlloi për vdekje vajzën e tij dhe dhëndrin Veton Musai, në Yarraville, Melbourne, Australi, ka kërkuar të shpallet i pafajshëm.
Osman Shaptafaj hyri në gjykatë dje dhe kërkoi që të shpallej i pafajshëm për shkak të problemeve mendore. Seanca tjetër dëgjimore pritet të mbahet më vonë gjatë këtij muaji.
Ngjarja ndodhi mbrëmjen e Vitit të Ri në Australi, pas një konflikti që dyshohet se lidhet me dëshirën e Linditës për të filluar jetesën larg babait të saj.
Osman Shaptafaj, 55 vjeç, ishte ndarë nga gruaja rreth 8 vite më parë dhe jetonte vetëm 5 km larg çiftit të sapomartuar Lindita dhe Veton Musait.
Një i afërm tha se nëna e Linditës kishte bërë më të mirën për të jetuar në një familje të pakënaqur, por gjeti guximin të largohej pas një sulmi në spital.
Vajza gjithashtu kishte marrë guximin për të filluar një jetë paqësore me burrin e saj larg të atit, por nuk ia doli. Lindita dhe Vetoni kishin vetëm një vit që ishin martuar dhe quheshin “çifti perket”.
25-vjeçarja humbi jetën në vend nga plumbat, ndërsa dhëndri disa orë më vonë në spital, pasi plagët ishin të rënda. Ndërkohë që autori i ngjarjes makabre tentoi vetëvrasjen duke qëlluar veten në kokë por ia doli të mbijetojë për të jetuar me turp për krimin makabër.
/Iconstyle.al
