Ministri i Brendshëm Sandër Lleshaj u është përgjigjur disa pyetjeve të qytetarëve në lidhje me disa rregulla ende të paqarta në lidhje me transportin në këtë periudhë karantinimi.
I pyetur nëse është e lejuar që në një zonë të kuqe të udhëtosh me makinë pa autorizim, në një kohë që qendrat tregtare apo disa biznese të tjera si parukeritë kanë rinisur aktivitetin, Leshaj u shpreh se kjo nuk është e mundur:
“Lëvizja me makinë në zonat e kuqe bëhet me autorizim”, u shpreh ai duke iu referuar lëvizjes në Shkodër, Kurbin, Krujë, Durrës, Tiranë dhe Fier.
Sa i përket zonave të gjelbra, ministri shpjegoi edhe absurditetin e lejimit të udhëtimit me makinë vetëm të një pasagjeri. Sipas Lleshajt, kufizimi i më shumë se dy personave në automjet bëhet për punonjësin e policsë, në mënyrë që ky i fundit të mos detyrohet t’i ndalojë dhe t’i pyesë personat në fjalë në rast dyshimi.
Ministri tha gjithashtu se kufijtë do të qëndrojnë mbyllur deri në 15 qershor, ndërsa pas kësaj date do vlerësohet situata e pandemisë, gjë e cila do të lëjojë ose jo hapjen e kufijve.
“Çdo ditë po punohet intesivisht për të palikuar një skemë çlirimi nga këto kufizime, të cilat duhet të shoqërohen me garancinë mos rikthimin e kësaj situate. Askush nuk ka interes për rikthimin e kësaj situate. Qeveria ka ekzistuar edhe qyetarët kanë qenë jashtë dhe kur janë brenda. Teza qarkullojnë sa të duash. Mos harrojmë që kemi kaluar një situatë relativisht mirë. “
/Iconstyle.al
