Gjatë ditëve të izolimit në shtëpi, këngëtarja Morena Taraku ka qenë më shumë se kurrë aktive në rrjete sociale dhe ka komunikuar thuajse çdo ditë me ndjekësit e saj.
Ajo ka hapur zemrën me fansat dhe ka ndarë momente hidhërimi e gëzimi, si ky i ditës së sotme.
Sot, Morena ndihet më krenare se kurrë për pikën e saj të dobët, babain, i cili është vlerësuar me një çmim të rëndësishëm në Kosovë.
Këngëtarja ka ndarë në InstaStory mirënjohjen që i është dhënë të atit, Selami Tarakut, për kontributin e tij në fushën e artit filmik.
E lumtur për këtë arritje, Morena shkruan se e ka parë të atin të kontribuojë për artin shqiptar që kur ajo ishte e vogël, ndaj ai e meriton këtë vlerësim.
“Urime babushi jem, e meriton se prej që kam qenë fëmijë, ke dhënë për artin shqiptar në teatër, në filma e në gjenerata. Të dua.”- janë fjalët e këngëtares.
Siç ka treguar edhe më herët, karantina e gjeti këngëtaren larg familjarëve të saj dhe gjatë këtyre ditëve ka ndjerë mall të madh për ta, teksa në rrjete sociale ka publikuar edhe plot foto të tyre.
