Mbrëmja e sotme duket se e ka bërë nostalgjik aktorin e njohur të humorit, Olsi Bylyku.
Ai ka ndarë me ndjekësit e tij në Instagram disa foto të vjetra të shumë viteve më parë, kur ishte ende një fëmijë.
Aktori i ka shoqëruar fotot me shkrime me humor, ndërsa në sy na ra fakti që ai nuk ka ndryshuar aspak!
Olsi ka ruajtur të njëjtat tipare të fëmijërisë dhe në pozat e vjetra shfaqet thuajse me të njëjtën fytyrë që ka sot.
I vetmi ndryshim për aktorin është fakti që tashmë ka mjekër.
Olsi po i kalon ditët e karantinës me partneren e tij Eglin dhe duket se izolimi në shtëpi i ka lidhur më shumë me njëri-tjetrin.
Madje, këto kohë ata kanë menduar edhe për martesën dhe jetën së bashku në të ardhmen.
