Në janar të këtij viti, ish-Kapiteni i Kombëtares Shqiptare, Lorik Cana, u bë baba për herë të dytë.
Partnerja e tij italiane, Monica, solli në jetë fëmijën e dytë të çiftit, një vogëlushe që e pagëzuan me emrin Enkeleida.
Më herët ish-kapiteni kishte treguar se nëse fëmija i dytë do të ishte vajzë, do ta quanin Enkeleida, pasi i pëlqejnë shumë emrat ilirë.
Po ashtu edhe djali i tyre i parë quhet Boiken.
Tashmë që emergjenca Covid-19 e ka mbyllur në shtëpi, Loriku është bërë një baba shembullor dhe e kalon të gjithë kohën e tij pranë fëmijëve.
Në InstaStory, ai ka ndarë një video krah vogëlushes Enkeleida, teksa dëgjon këngën “Tela” të Kidës dhe Ermal Fejzullahut.
Për të treguar edhe njëherë se është “i marrosur” pas vogëlushes së tij, futbollisti i dedikon bebushes fjalët e këngës:
“Baby Leida m’ki prek n’tela si asnjë”- janë fjalët e Lorikut krahas videos së ëmbël ku e fsheh portretin e vajzës.
