Këngëtari i njohur shqiptar, Sabri Fejzullahu është bashkuar me partneren e tij Nera, pas riatdhesimit të kësaj të fundit në Kosovë.
Lajmin e ka dhënë vetë këngëtari në Instagram, ku ka publikuar një foto me bashkëshorten përkrahu, të cilën e ka pritur me një buqetë me lule dhe shumë dashuri.
“Jam shumë i lumtur që të kam pranë! Nga ky moment fillon vetëkarantinimi. Falemnderit Avni Selimi për kujdesin si çdoherë! Faleminderit “Al Dekor” per lulet! Jeni te paparë! Me dashni, së bashku me dashninë e jetës”, shkruan Sabriu.
Nera ka qenë larg Kosovës këtë periudhë karantine dhe riatdhesimi i saj ka qenë i vështirë por jo i pamundur. Ndjekësit e këngëtarit i kanë shtruar të gjithë pyetjen sesi arriti të riatdhesohej tani që linjat ajrore kanë ndërprerë veprimtarinë.
“Wow si arriti me u kthy në Kosovë tani që nuk ka fluturime? Shyqyr që jeni bashkë”, i shkruan një ndjekës.
Por Sabriu nuk u ka kthyer përgjigje këtyre pyetjeve dhe me siguri është duke shijuar ditët në izolim me Nerën.
