Ditën e djeshme ka bërë xhiron e rrjetit një video e njërit prej punojësve të Policisë së Shtetit, i cili theu rregullat në orarin e punës.
Menjëherë pas publikimit të videos, është identifikuar polici në fjalë dhe ai është shtetasi me iniciale M. K, punonjës i Patrullës së Përgjithshme të Komisariatit të Policisë Nr. 3.
Për punonjësin e policisë është marrë masa e përjashtimit nga Policia e Shtetit, për shkelje të rëndë të Rregullores së Policisë së Shtetit.
Në video ai shfaqej duke biseduar me një vajzë, e cila i qëndron nga jashtë në xhamin e shoferit. Ndërkohë që bisedojnë, polici nisi të prekë vajzën dhe ta përkëdhelë në të pasme, ndërsa merr disa reagime nga ana e saj.
Ata ngacmohen me njëri-tjetrit dhe ajo e qëllon disa herë me shuplakë brenda në makinë, ndërsa ai ia kthen po njësoj.
