Jennifer Lopez ka publikuar disa video nga prapaskenat e performancave të “Super Bowl”, ku sëbashku me Shakirën elektrizuan skenën.
Performanca e dy vajzave latine ngriti publikun në këmbë dhe asokohe u bë kryefjala e të gjitha mediave.
Nëse e keni harruar se për çfarë e kemi fjalën, lexo këtu!
Kanë kaluar tashmë 3 muaj nga ky spektakël fantastik, por Jennifer Lopez është bërë paksa nostalgjike dhe ka vendosur që të ndajë me ndjekësit e saj në Instagram disa momente nga prapaskenat dhe provat e performancës ikonike që pati në “Super Bowl”.
“Nuk e besoj dot që kanë kaluar 3 muaj që nga #SuperBowlLIV #HalftimeShow! Shumë gjëra kanë ndodhur që atëherë, por doja të ndaja disa momente argëtuese nga prapaskenat në provën tonë të parë me kërcimtarët dhe Shakirën”, ka shkruar Jennifer Lopez krahas videove që ka postuar.
Jo vetëm që videot që Jennifer Lopez ka ndarë janë shumë interesante, por në videon e pestë mund të shihni sesi ajo mëson Shakirën për të tundur të pasmet.
https://www.instagram.com/p/B_uv_teJnNC/
“Unë e bëj atë nëpërmjet gjunjëve. Unë i tund gjunjët. Ti tund gjunjët dhe të pasmet do të tunden gjithashtu. Ma ka mësuar nëna ime kur isha katër vjeç”, thotë JLo në video.
Në rregull, mund ta provoni edhe ju tani në shtëpi!
