Boris Johnson ka rrëfyer momentet e shtrimit në spital pasi u infektua nga koronavirusi, duke theksuar se mjekët morën parasysh gjithçka kur gjendja e tij po përkeqësohej.
Në një intervistë me The Sun, të dielën, Kryeministri tha se mjekët i vendosën litra të tëra oksigjeni për ta mbajtur në jetë.
Ai thotë se javën që qëndroi në Spitalin e St Thomas ‘në Londër u pushtua nga një dëshirë për të ndaluar vuajtjet te të tjerët dhe për ta ngritur Mbretërinë e Bashkuar në këmbë.
“Ishte një moment i vështirë, nuk do ta mohoj”, citohet të ketë thënë ai duke shtuar se vazhdonte të pyeste veten: “Si do të dal nga kjo?”
Johnson u diagnostikua me koronavirus më 26 mars dhe u shtrua në spital 10 ditë më vonë. Të nesërmen, ai u transferua në kujdes intensiv.
“Ishte e vështirë të besoje që vetëm në pak ditë shëndeti im u përkeqësua në këtë shkallë. Mjekët kishin marrë lloj-lloj masash se çfarë të bënin nëse gjërat do të shkonin keq”.
Por ky lajm u pasua nga një moment i bukur në jetë për Johnson, i cili u bë baba.
E fejuara e tij, Carrie Symonds, zbuloi se i kishin vendosur emrin djalit të tyre të sapolindur Wilfred Lawrie Nicholas Johnson.
Emri u vendos në nder të gjyshërve të tyre dhe dy mjekëve që trajtuan Johnson ndërsa ishte në spital me koronavirus.
Djali lindi të mërkurën, vetëm disa javë pasdaljes së Johnson nga kujdesi intensiv.
/BBC
