Nëse Klajdi Haruni do të binte sot në dashuri, atëherë ai nuk do të priste gjatë për të dhënë puthjen e parë.
Këngëtari ka treguar për Prive.al në një intervistë në kohë pandemie se për të qëndruar pranë saj do të thyente rregullin e karantinimit dhe nuk do të respektonte distancën sociale.
“E vështirë është por do shkoja me dashurinë dhe puthjen edhe pse i kam respektuar rregullat e distancimit social këto kohë, por dashuria është sëmundja e shekullit, jo COVID-19”, u shpreh këngëtari nga Korça.
Një pyetjeje hipotetike nëse partnerja e tij do të ishte e infektuar me koronavirus, Klajdi iu përgjigj se do të qëndronte gjithmonë pranë saj:
“Nuk do ta mendoja dot që në momente të vështira dashurinë ta lija vetëm”.
I pyetur për marrëdhëniet intime këtë periudhë, Klajdi u shpreh me shaka: “Na shojtën puçrrat”, duke nënkuptuar se ka pasur 0 raste kontaktesh.
Klajdi është treguar gjithmonë shumë i rezervuar për jetën e tij private, por para pak kohësh la të kuptohej se zemra e tij ishte e zënë.
I ftuar bashkë me Brunon në “Klanifornia”, Klajdi pranoi publikisht se i rreh zemra për një vajzë dhe me sa duket, gjërat qenkan serioze.
