Lajmi që na ka surprizuar, por edhe që na ka lumturuar në të njëjtën kohë është që modelja 25-vjeçare Gigi Hadid është shtatzënë.
Në të njëjtën mënyrë ndihet edhe ish-i dashuri i saj Tyler Cameron, i cili mendohej se ishte ai babai i vajzës që do të vijë së shpejti në jetë nga disa ndjekës. (Lexo këtu)
Aktori i njohur i “Bachelorette” i ka mohuar kategorikisht këto zëra sot në një intervistë për “ESPN West Palm”. Ai ndër të tjera ka shtuar se është shumë i lumtur për të.
“Jam shumë i emocionuar dhe shumë i lumtur për të. Gigi do të jetë një mami e mrekullueshme. Ajo është e kujdesshme dhe një njeri shumë i ëmbël”, tha Tyler.
Ndërkohë një burim për “E!News” ka treguar se Tyler është shokuar në momentin e parë kur ka lexuar lajmin se modelja është shtatzënë.
“Ata kanë kohë që nuk flasin dhe nuk ka më asnjë ndjenjë mes tyre. Ai i uron më të mirat asaj dhe është i lumtur për Gigin”, ka shtuar burimi.
Gigi dhe Tyler kanë qenë bashkë për disa muaj vitin e kaluar, por ata i kanë dhënë fund lidhjes së tyre në vjeshtë të 2019-ës.
Modelja në një intervistë me Jimmy Fallon në Tonight Show nga shtëpia konfirmoi se po priste fëmijën e saj të parë me të dashurin Zayn Malik.
