Anullimi i dasmave në verë nga pandemia globale është bërë shkaku i debatit të radhës mes Labinot Tahirit dhe Leonora Jakupit.
Labinoti paralajmëroi protesta për këtë vendim pasi anullimi i dasmave sipas tij ndikon në ekonominë e këngëtarëve.
Nga ana tjetër Leonora Jakupi nuk pajtohet me Labin pasi sipas këngëtares “në këtë shtet ka njerëz më nevojtarë” (Lexo këtu)
Fill pas kësaj nuk ka munguar edhe reagimi i Labinot Tahirit, i cili i është kundërpërgjigjur menjëherë.
“E bre Leonorë, shyqyr që paskan bërë një lajm për ty se rrallë të postojnë! Leonorë, për punën e bamirësisë skena çka flasim ndoshta më njeh, e aty kam reagu për diçka që se paske kuptuar se sa për raste me të varfëra që ka Kosova e që si din as Shteti e unë i di e merren me to, ti vetëm në TV mundesh me i pa! Harrova me të thënë mbase spo me përkraheshe mire, ke ba se tash mbas teje nuk dalin as kolegët e tjerë. Ditën e mirë Leonorë”, ka shkruar Labinot Tahiri.
Ky debat mesa duket ka hapur një zënkë mes dy artistëve.
Vlen të përmendim që reagimi i Leonorës ka qenë shumë paqësor, e cila po mundohej thjesht të jepte këndvështrimin e saj në lidhje me këtë situatë duke menduar në radhë të parë për shëndetin dhe sigurinë e qytetarëve.
Ndërsa Labinot Tahiri nuk i ka kursyer fjalët për të duke e sulmuar personalisht këngëtaren e njohur.
Të dy artistët kanë qenë miq me njëri-tjetrin, por pas këtij debati nuk i dihet sesi do të jetë vazhdimi i shoqërisë së tyre.
