E dimë që Ronela Hajati dhe Young Zerka nuk po e kalojnë bashkë këtë periudhë karantinimi në kohë pandemie.
Por një tjetër detaj ka shqetësuar fansat e tyre, pasi dyshja nuk e ndjek më njëri-tjetrin në Instagram.
Përmes një kërkimi në profilet përkatëse mund të shohësh se Ronela nuk e ndjek Zerkën, dhe as ai këngëtaren. Madje dje, në ditëlindjen e këngëtarit mungoi edhe një urim publik nga Ronela.
Nuk e dimë nëse këto janë shenja të një krize në marrëdhënien e tyre, apo e kanë bërë qëllimisht për të tërhequr vëmendje.
Këngëtari nga Korça, emri i vërtetë i të cilit Donald Najtellari, po e kalon karantinën në qytetin e tij të lindjes në Korçë, ndërsa Ronela në Tiranë.
Ai publikoi një foto dje në Instagram me rastin e ditëlindjes, për të thënë se mosha nuk ka rëndësi për të.
Nga ana tjetër Ronela ka qenë aktive në Instagram, duke bërë video live dhe duke u shprehur se mezi pret të mbarojë karantina.
