Ditën e djeshme, qeveria prezantoi masat e reja për lehtësimin e punës dhe hapjen e disa bizneseve nga 11 maji.
Por për aktorin e “Portokallisë”, Rezart Veleshnjën, këto masa duken qesharake përderisa njerëzit nuk lejohen ende të dalin nga shtëpitë e tyre.
“Të shtunën bizneset hapen, super lajm! Por, njerëzit nuk lejohet të dalin! Kështu që bizneseee hapini sa për ajrosje dyert!!,– shkruan Rezart Veleshnja në postimin e tij në Instagram.
Prej datës 11 maj do të lehtësohen masat për një grup tjetër biznesesh, siç janë parukeritë, berberët, dentistë dhe dyqane në qendra tregtare.
Ndërkohë, duke pasur parasysh situatën, nga 18 maji e në vazhdim do të vlerësohet hapja e njësive të shërbimit si bare dhe restorante, vetëm për mjediset e hapura.
Por Tirana dhe një sërë qytetesh të mëdha si Durrës e Fier vijojnë të konsiderohen si zona të kuqe dhe lëvizja e lirë është e kufizuar.
