Deputeti i njohur Adriatik Alimadhi ka arritur të shërohet plotësisht nga virusi Covid-19.
Testi i tij i fundit ka rezultuar negativ, rreth një muaj pasi u shtrua në Spitalin Infektiv.
Megjithatë pavarësisht se mposhti virusin Covid-19, shefja e Shërbimit të Pneumologjisë, Silva Bala, tregoi se Alimadhi vazhdonte të kishte probleme serioze me mushkëritë.
“Ai është shëruar nga covid por problemet e mushkërive mbeten serioze si pasojë e komplikacionit nga Covid-19. Alimadhi është në trajtim me oksigjen me presione të larta dhe ka nevojë të vazhdueshme që mushkëria e tij të trajtohet me oksigjen, por nuk është i intubuar.”- u shpreh ndër të tjera Bala.
Mirëpo, lajmi i mirë është se deputeti ka dalë nga reanimacioni dhe ka kaluar në pavion në gjendje të mirë shëndetësore.
Këtë e ka bërë të ditur vetë Alimadhi nëpërmjet një postimi ku falenderon doktoreshën që u kujdes për të.
“Te dashur miq,
Sot dola nga reanimacioni dhe kam kaluar ne pavion ne nje gjendje shendetesore me te mire. Kjo sipas keshillave te mjekeve.
Nje falenderim dhe mirenjohje per shefen e reanimacionit te sanatoriumit ‘Shefqet Ndroqi’ Dr. Alma Cani. Dr. Alma me perkushtim dhe profesionalizem i sherbente te gjithe pacienteve ne reanimacion, por mbi te gjitha shume njerezore, e cila mbante kontakte me vajzat e mija dhe familjen time duke i sqaruar per gjendjen time shendetesore. Mirenjohje pafund Alma.
Respekt te veçante per çdo infermier, sanitar te reanimacionit, te cilat kishin fituar kulturen e punes ne kete profesion shume te veshtire. Ishin ato qe na sherbenin, pastronin per te gjitha sherbimet personale tonat te domosdoshme pa asnje fare ndrojtjeje. Vleresimet e mija te sinqerta per keto zonja, nena dhe motrat tona.
Aktualisht jam vendosur ne pavion ne nje gjendje me te mire shendetesore, sipas keshilles se mjekeve”- shkruan deputeti.
