Futbollisti i njohur i Montpellier, Junior Sambia u raportua disa ditë më parë të ishte infektuar me Covid-19.
Madje, gjendja e tij u përkeqësua aq shumë saqë Sambia u vendos në ventilator dhe kaloi në gjendje kome.
Mirëpo, fatmirësisht futbollisti ka arritur të zgjohet nga koma.
Sipas raportimeve të fundit, gjendja e Sambia-s është më e stabilizuar dhe mjekët e kanë hequr nga ventilatorët.
Sambia po rikuperohet pak nga pak dhe vazhdon të jetë 24 orë nën kujdesin intensiv të mjekëve.
Ai është futbollisti i parë në Ligue 1 që testoi pozitiv me koronavirus dhe pas rezulatit pozitiv të analizës së tij, e gjithë skuadra u fut në karantinë për të shmangur rrezikun.
