Valbona Kalaj, është një nga infermjeret e cila qëndron në frontin e parë të luftës në Itali.
Për një kohë të gjatë ajo u shërbeu të prekurve me COVID-19 në Bergamo, por për fat të keq u infektua edhe vetë.
Por, më në fund ajo ka rezultuar negative dhe tashmë është gati t’i rikthehet punës.
“Po e kalova. Ju them të vërtetën unë në fillim nuk jam trembur nga kjo situatë sepse nuk kisha shqetësime të mëdha. Por kur tamponët filluan të përsëriteshin pozitive u tremba. Në realitet kaloi gjithçka mirë.
Unë isha vetëm e izoluar në shtëpi. Me kalimin e ditëve, temperaturën 37 e gjysmë e kam pasur ndonjëherë, nuk ndjeja edhe shijen e ushqimeve që haja. Doktoresha më këshilloi që të vazhdoja një antibiotik, pas datës 16 mjekët që më bënë tamponin e dytë më këshilluan të kontrolloja edhe mushkëritë”, tha ajo.
Më tej Valbona shton se është shumë e lumtur që është shëruar dhe se ditën e nesërme do të rikthehet në punë.
“Tani jam mirë. Kënaqësia ime më e madhe ishte ti njoftoja të gjithë të afërmit e mi. Periudha e karantinë,s i kam zbatuar rregullat, në shtëpinë time kam qendruar e izoluar. Mami dhe vajza merreshin me punët e shtëpisë. 14 ditë kanë qendruar edhe ato të izoluara. Pastaj vajza dhe mami kanë pasur të drejtë të dilnin. Në momentin që shkoja për të bërë tampone, isha vetëm spital-shtëpi”, u shpreh ajo.
Infermierja tregon se gjëja e parë që ka bërë pasi doli negative, përqafoi vajzën, pasi shumë ditësh.
“Situata po përmirësohet. Infektimi nuk është si në fillim. Është një situatë që nuk do të thotë të ulim kujdesim, sepse është akoma e nxehtë. Por situata është nën kontroll. Kur dola impakti i parë ka qenë ajo kënaqësia e madhe për të bërë pazarin unë. Nuk jam mësuar të rri e mbyllur brenda. Ideja që do shkoj nesër në punë më gëzon.
Ne si komb e kemi imunitetin të fortë. Unë nuk kam frikë. Mezor pres momentin që nesër të shkoj në punë. Gjëja e parë që kam bërë kur erdha në shtëpi, vajza mu hodh në qafë, mami më në fund do të të përqafoj. Më ka munguar ai përqafimi i saj shumë”, tha Valbona.
