Çifti shumë i njohur i showbiz-it, aktori Noah Centineo dhe partnerja e tij, modelja Alexis Ren, i kanë dhënë fund lidhjes së tyre pas një viti së bashku.
Lajmet e ndarjes u konfirmuan nga burime të sigurta pranë çiftit për “Us Weekly”.
Sipas tyre, dyshja ishte ndarë disa javë më parë, pikërisht në prag të nisjes së karantinimit.
Hera e fundit që modelja dhe aktori u panë së bashku në publik ishte data 7 mars, ku u shfaqën në një bar duke pirë disa kokteile.
Ata dukeshin shumë të afërt me njëri-tjetrin, mirëpo nuk dihet çfarë ndodhi që gjërat morën një tjetër rrjedhë.
Madje, dyshja as nuk ndiqet më në Instagram, duke lënë kuriozë fansat për arsyen e ndarjes së tyre.
Thashethemet e para për lidhjen e Noah dhe Alexis nisën në shtator të vitit 2019, ndërsa një muaj më vonë ata vendosën ta bënin publike lidhjen e tyre.
Në muajin shkurt, Noah pranoi hapur për “Harper’s Bazaar” se çifti po dilnin prej 10 muajsh së bashku dhe konfirmoi se kjo ishte lidhja më e gjatë që kishte pasur ndonjëherë, duke e quajtur modelen femër të mrekullueshme.
