Emma Marrone ka folur pas kaq shumë kohësh për lidhjen e saj të kaluar me Stefano De Martino-n dhe marrëdhënien e saj me showgirl-in Belen Rodriguez.
Gjatë këtyre ditëve të karantinës së detyruar këngëtarja është shumë aktive në profilin e saj në Instagram dhe ka vendosur t’u përgjigjet kuriozitetit të fansave në lidhje me marrëdhënien e saj të kaluar me Stefano De Martino-n dhe gruan e tij Belen Rodriguez.
Një fanse e pyeti ish-fituesen e Amici-t të Maria De Filippi, nëse ka arritur ta falë Belen dhe përgjgija e saj ishte e qartë:
“Epo le të themi se nëse është dikush që duhet falur, nuk është ajo”, u shpreh këngëtarja duke lënë të kuptohet se ajo do të duhet të falte Stefano-n, pasi ai ishte partneri i saj dhe jo modelja e bukur argjentinase.
Emma Marrone e ka sqaruar se ajo nuk ka absolutisht asgjë kundër Belen Rodriguez pasi ajo nuk bëri asgjë të keqe ndaj saj. Në fakt faji i mbetet ish-it të saj Stefano De Martino, i cili e tradhtoi atë.
“Belen nuk ka bërë asgjë të keqe”, shpjegoi Marrone ndër të tjera.
Të dyja kanë pasur shumë raste në ekranin italian për të treguar se kanë lënë mënjanë çdo mosmarrëveshje të mundshme. Në të vërtetë, më historik ishte përqafimi i tyre në Tu si que vales.
/Iconstyle.al
