Pas largimit nga Top Channel, Delinda Disha ka folur për punën e saj me stafin e “Klanifornias”.
Pak muaj pasi kishte filluar punë në “Klanifornia” aktores i erdhi një padi nga televizioni për shkeljen e një kontrate në të cilën ishte falsifikuar firma, sipas saj (lexo këtu).
Në një video live me aktorin Gent Hazizi, aktorja e njohur e humorit u shpreh se në stafin e ri të programit të televizionit “Klan”, gjeti shumë gjëra që i mungonin prej vitesh në një ambient pune.
“Në këtë staf kam gjetur dashuri harmoni, paqe, sinqeritet, dhe shumë gjëra që kisha vite që më mungonin”.
Kolegu i saj më pas e ngacmoi duke i thënë se “është normale të ketë njëçik konkurrencë, se ne aktorët jemi njëçik kështu”, por Delinda ia ktheu se e do konkurrencën dhe “nuk jeton dot pa të”.
Por si po shkon puna në kushte pandemie? Delinda u shpreh se aktorët po përpiqen gjithsecili dhe po tregohen të kujdesshëm duke respektuar të gjitha masat e mbrojtjes.
“Kemi marrë lejë duke i respektuar rregullat, dezinfektimin, me doreza, me maska. Shumë e vështirë është, por jemi përpjekur që gjithsecili të ketë kujdes për veten dhe të ruhet. Gocat e grimit janë shumë të kujdesshme, gjithsecili i ka të vetat produktet, por i dezinfektojmë herë pas here”.
https://www.instagram.com/p/B-9IrB0HURi/
