Në vitin 2013, Nazime Visha u kryefjalë e mediave pasi vrau me armë zjarri një 45-vjeçar, që sipas saj e kishte dhunar seksualisht kur ajo kishte qenë vetëm 14 vjeç.
Babai i 5 fëmijëve, e përndiqte Nazmien për 4 vite dhe një natë kur ai shkoi tek shtëpia ku ajo qëndronte me të gjyshen, Visha në atë kohë 18 vjeç, e vrau duke e qëlluar me 29 plumba.
Në kohën kur kreu vrasjen ajo ishte ende e re megjithatë për krimin u dënua me 10 vite burg.
Por pas faljes së firmosur nga presidenti i kohës Bujar Nishani ajo kreu vetëm 3 vite të dënimit.
Pas daljes, jeta për të ka ndryshuar tërësisht dhe së fundmi bëhet me dije se Nazime Visha është martuar dhe është bërë nënë e një vajze 2-vjeçare.
Në një rrëfim për “ABCNews” gjyshja e Nazimes tregon për jetën e re të së mbesës, 7 vite pas ngjarjes së rëndë.
“Ne tashmë e kemi harruar historinë ajo është martuar në Bullgari dhe ka një gocë 2 vjeç. Ajo vetë nuk punon, por rri me vajzën. Në Shqipëri ajo vjen njëherë në 6 muaj”, tha gjyshja e Nazimes.
Gjyshja e Nazmies ka treguar se bashkëshorti i saj nuk di shqip, por kishte ardhur 7 herë në Shqipëri për të gjetur një nuse shqiptare.
Prej 3 vitesh Nazmia ka lënë pas gjithçka dhe tashmë jeton e qetë në Bullgari.
