Victoria Beckham nisi një debat me rëndësi, pasi publikoi një foto ku shkëmbente një puthje në buzë me vajzën e saj Harper, përmes së cilës i uroi edhe ditëlindjen.
Ishte kjo foto që nisi një përplasje mes mbështetësve dhe kundërshtarëve të këtij fenomeni. Po ajo për të cilën ka më shumë rëndësi për ne është se çfarë thonë ekspertët.
“Normalisht me një anëtar të familjes nuk puthesh në buzë, përveçse kur është bashkëshorti,” ka thënë për “BBC” Liz Brewer, eksperte e sjelljeve sociale.
“Përsa i përket fëmijëve, nuk mendoj se ky është një zakon i mirë për t’u zhvilluar por është fëmija i saj dhe ajo ka lirinë të bëjë atë që ajo mendon se është më e mira. Unë do të ndihesha në siklet dhe mendoj se kështu do të ishte edhe për një pjesë të madhe të njerëzve. Nëse ajo e ndjen se është diçka e përshtatshme, ashtu qoftë. Por nuk do të thosha që jep shembullin më të mirë”, ka përfunduar Brewer.
Kjo nuk është hera e parë që një foto e një prindi me fëmijën e tij shkakton reagime të tilla në rrjetet sociale. Në fakt persona të ndryshëm e perceptojnë sipas situatës së ndodhur në fëmijërinë e tyre. Po ju në cilën anë jeni, pro apo kundër?
Burimi: BBC
