Prej ditësh kanë ndryshuar masat e ndërmarra për frenimin e lëvizjes së këmbësorëve.
Tashmë qytetarët mund të lëvizin vetëm nëse bëjnë aplikim online dhe kanë të drejtë të qëndrojnë jashtë vetëm 1 orë.
Megjithatë, ka ende nga ata që nuk u ja bindur urdhrave të qeverisë dhe për këtë gjë policia është detyruar të vendosë gjoba.
Në njoftimin e policisë, thuhet se në 24 orët e fundit, iu janë hequr patenta 20 personave dhe janë bërë bllokime makinash. Po ashtu, është vënë gjobë 10 mijë lekë ndaj 111 personave.
Policia e Shtetit
Vijojnë kontrollet në të gjithë territorin, në zbatim të masave kufizuese të shpallura nga qeveria shqiptare, për vënien në kontroll të pasojave që sjellin përhapjen e COVID-19.
Gjatë 24 orëve të fundit, në të gjithë vendin janë evidentuar 20 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit dhe bllokim mjeti, në zbatim të Aktit Normativ Nr. 3, datë 15.03.2020 ”Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19″.
