Pas Italisë, Spanja është në vendin e dytë përsa u përket vdekjeve nga koronavirusi.
Në 24 orët e fundit janë regjistruar 849 viktima dhe numri total i tyre ka shkuar në 8,269.
Numri i të infektuarve ka arritur në 94,417, sipas bilancit të fundit të Ministrisë së Shëndetësisë, ndërsa 5,607 prej tyre janë në gjendje kritike shëndetësore.
Sipas parashikimeve, nëse Spanja vazhdon me këto ritme do të arrijë shifrat e Italisë, e cila vetëm 24 orët e fundit shënoi 837 viktima.
Në spitalet e Spanjës situata ka dalë totalisht jashtë kontrollit. Pacientët s’kanë vend për të qëndruar dhe janë detyruar të shtrihen përtokë.
