Sipas të dhënave të bëra publike nga Ministria e Shëndetësisë gjatë 24 orëve të fundit numri i të infektuarve me koronavirus në vendin tonë është shtuar me 15, duke shkuar në total në 212. Ndërkohë numri i të shëruarëve nga ky virus vdekjeprurës ka shkuar në 40. Së fundmi janë shëruar dy mjekë nga spitali “Shefqet Ndroqi”. Deri në këto momente janë testuar 1436 raste të dyshuara dhe prej tyre janë të konfirmuar pozitivë me COVID-19, 212 raste.
Kosova ka numrin më të ulët të rasteve në rajon
Insituti Kombëtar i Shëndetësisë Publike të Kosovës ka konfirmuar se numri i të prekurve me Covid-19 ka shkuar në 94. Dje u shtuan edhe tre raste të reja sipas IKSHPK:
“Sot më 29.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 45 mostra të marra nga rastet në terren dhe nga rastet e hospitalizuara në Klinikën Infektive. Nga mostrat e marra për testim në virusin SARS-CoV-2, tre prej tyre kanë rezultuar pozitive”.
Ministri në detyrë i Infrastrukturës dhe Ambientit, Lumir Abdixhiku, ka publikuar një grafik ku Kosova paraqitet me numrin më të ulët të rasteve me Covid-19 në rajon.
38 vdekje në Greqi
Ministria e Shëndetësisë e Greqisë konfirmoi se vendi ka arritur në 1.156 raste me koronavirus dhe 38 vdekje.
Njoftimi u bë të dielën nga zëdhënësi i Ministrisë, profesori Sotiris Tsiodras, i cili konfirmoi 95 raste të reja të konfirmuara me Covid-19 në Greqi në 24 orët e fundit dhe 6 vdekje të reja. Me 69 pacientë që tani janë duke u trajtuar në Njësitë e Kujdesit Intensiv, Tsiodras tha gjithashtu se shumica e rasteve janë regjistruar në rajonin e Atikës.
Bilanc tragjik në Itali dhe Spanjë
Italia raportoi 756 vdekje të reja nga koronavirusi të dielën duke e çuar numrin e përgjithshëm të vdekjeve në 10.779, pasi vazhdon “të paguajë” çmimin më të rëndë në botë nga infektimi.
Ministria e Shëndetësisë e Spanjës njoftoi 838 vdekje të reja nga koronavirusi në 24 orët e fundit, duke shënuar numrin më të lartë ditor të vdekjeve në vend, që në total shkojnë në 6.528.
Në New York, numri i të vdekurve u rrit me 237 brenda 24 orëve, dhe shteti njoftoi 7,195 raste të reja.
Në të gjithë botën, numri i çështjeve ka arritur në më shumë se 710,000. Rreth 149,000 njerëz janë shëruar, ndërsa më shumë se 33,000 kanë vdekur.
Distanca sociale në SHBA zgjatet deri në 30 prill
Donald Trump zgjati udhëzimet federale për distancimin shoqëror edhe për 30 ditë pasi një ekspert i lartë i shëndetit publik paralajmëroi se vdekjet nga koronavirusi mund të arrinin deri në 200,000 në SHBA.
“Sa më mirë të bësh, aq më shpejt do të përfundojë i gjithë ky makth. Prandaj, ne do t’i shtrijmë udhëzimet tona deri më 30 prill për të ngadalësuar përhapjen.”
Udhëzimet, të cilat rekomandojnë njerëzit të qëndrojnë në shtëpi dhe të shmangin tubimet sociale, ishin caktuar të përfundonin të hënën.
Franca raporton 292 vdekje të reja nga koronavirusi, gjithsej 2,606
Franca ka njoftuar 292 vdekje të reja nga koronavirusi, duke e çuar numrin e përgjithshëm të vdekjeve në 2.606 nga shkurti kur edhe u raportua vdekja e parë, tha drejtori i shërbimit kombëtar të shëndetit të vendit Jerome Salomon.
Ndër gati 19,000 pacientë të shtruar në spital, 4,632 janë në kujdesin intensiv, tha Salomon.
Vdekjet në Turqi arrijnë në 131 me 1.815 raste të reja
Vdekjet në Turqi nga koronavirusi u rritën nga 23 në 131 pasi numri i çështjeve të konfirmuara u rrit nga 1.815 në 9.217, tha Ministri i Shëndetësisë Fahrettin Koca.
Rreth 105 pacientë janë shëruar deri më tani.
Ministri shtoi në Twitter se ishin kryer 9,982 teste në 24 orët e fundit, duke e çuar numrin e përgjithshëm të testeve të kryera në Turqi në 65.446 që prej fillimit të shpërthimit të epidemisë.
Ditë e zezë në Britani, 260 viktima në 24 orë
Dita e djeshme shënoi 209 viktima nga koronavirusi në Britani. Deri më tani numri total i të vdekurve ka shkuar në 1228.
Persona të prekur nga virusi janë 19522; të shëruar deri në këto momente janë 135 ndërsa 163 janë në gjendje kritike.
Wuhan rihap stacionet hekurudhore
Komisioni Kombëtar i Shëndetit në Kinë raportoi 45 raste të reja me COVID-19 nga të cilat të gjitha, përveç një, ishin importuar nga udhëtarët nga jashtë.
Pesë vdekje të reja u regjistruan në Wuhan, qyteti që dikur ishte epiqendra e shpërthimit të Kinës. Jeta po kthehet gradualisht në normale në qytet, i cili ka raportuar vetëm një rast të ri në 10 ditët e kaluara, sipas mediave shtetërore.
Metroja dhe stacionet hekurudhore të Wuhan u rihapën të shtunën pas dy muajsh pezullimi dhe një tren mallrash Kinë-Evropë u nis për në Gjermani, duke transportuar pajisje mjekësore.
Kina kontinentale ka regjistruar 81.439 raste të konfirmuara dhe gjithsej 3,300 vdekje gjatë shpërthimit.
/Iconstyle.al
