Ditën e djeshme, 30 mjekë e infermierë shqiptarë arritën në Itali për të mbështetur vendin fqinj në krizën e koronavirusit. (Lexo këtu)
Dërgimi i personelit shëndetësor vjen pas një bisede që u zhvillua të premten mes kryeministrit shqiptar Edi Rama dhe ministrit të Jashtëm Luigi Di Maio.
10 mjekët dhe 20 infermierët do të qëndrojnë në Itali për një muaj dhe do të paguhen nga Shqipëria.
Gjesti i tyre ka emocionuar drejtorin e Urgjencës, Bratajn, i cili është vetë i prekur me Covid-19 dhe po qëndron në izolim.
Në llogarinë e tij në Facebook, ai ka shkruar një mesazh emocionues për uniformat e bardha, duke i përgëzuar për punën e tyre dhe duke treguar se ndihet krenar.
“JU JENI KRENARIA JONË, SHEMBULLI, VIRTYTI!
Ju jeni ajo traditë e bukur, që gjithmonë vetëm e kemi thënë me fjalë, ndërsa sot është konkrete, e prekshme reale; tradita e bukur e shqiptarit, ajo e ndihmës së personave në nevojë. Ju betohem se ishte e njëjta sken, ndjesi, emocion si atë ditë te këneta në Durrës, kur pashë ekipet e shpëtimit të Italisë në periudhën e tërmetit. Është e njëjta skenë para avionit, kur ekipet mjeksore italiane dhe Protezine Civile Italiana mernin bashkomasit tonë për ti kuruar në Itali. Sot niseni ju për të kurar qytetarët italianë! Wau,wau! Unë kam punuar 22 vjet mjek për ata njerëz të mrekullueshëm dhe sot e ndjej veten në çdo njërin prej jush. Atje ka me qindra mjekë dhe infermierë shqiptarë që punojnë dhe jetojnë. Në këtë moment po japin maksimumin e tyre, por JU sot na sillni emocione, na sillni ndjesinë dhe krenarinë e të qënit mjek, bluza të bardha, humanist, por akoma më shumë të qenit SHQIPTAR! Ju po shkoni në luftë me vetëdije, kundër një armiku sa të njohur, aq të pa njohur, por me vendosmërinë e pa tundur, objektivin për të cilin keni studiuar.
Pra, JU SHKONI TË SHPËTONI JETË! Këtë mision fisnik ju e keni të skalitur në zemrat tuaja dhe tonat.
Kurajo, forca, dhe suksese çuna e goca! Me këtë solidaritet dhe vendosmëri që shohim në sytë tuaj, nuk ka virus të na ndalë!
Jeta është shumë më e bukur dhe gjithmonë fiton!PUNË DHE KTHIM TË MBARË MANTELBARDHË!”- janë fjalët e tij në postim.
https://www.facebook.com/skender.brataj/posts/10221473298483940
Brataj është në gjendje të stabilizuar dhe më herët është shprehur se do të rikthehet sërish për të qenë në krye të detyrës kundër koronavirusit që ka vënë në alarm botën.
