Hapet spitali COVID 2 në Shqipëri, realizohet kirurgjia e parë te një paciente me koronavirus

Nga sot, spitali “Shefqet Ndroqi” është spitali i dytë COVID në vend.

Lajmin e ka bërë të ditur pak më parë, ministrja Ogerta Manastirliu nëpërmjet një postimi në Facebook.

Lexo edhe :

Rrëfimi i trishtë i Shkurtës për aktivitetin human: Tentuan të me keqpërdorin seksualisht

23:16 15/12/25

Detaje të reja nga vrasja e çiftit Reiner, varësia nga droga në qendër të hetimeve për djalin e tyre

22:52 15/12/25

Manastirliu tha se spitali COVID 2 ka pritur pacientët dhe është kryer ndërhyrja e parë kirurgjikale tek një person i infektuar me koronavirus.

“Kemi hapur edhe spitalin COVID 2, spitalin “Shefqet Ndroqi” i cili ka pritur pacientin e parë. Një rast suksesi i ekipit të kirurgjisë së këtij spitali, me mjekët kirurgë, anestezistë, infermierët dhe i gjithë stafi që kanë kryer me sukses ndërhyrjen kirurgjikale tek një e re e prekur nga COVID-19”, bëri të ditur Manastirliu.

Manastirliu shtoi se pacientët e spitalit “Shefqet Ndroqi” janë transferuar në Elbasan, duke shtuar se në spitalin COVID 2, janë organizuar ekipet mjekësore që do të shërbejnë në këtë spital, ndërsa në spitalin infektiv po vijon trajtimi i pacientëve me COVID-19.