Kreu i qeverisë Edi Rama ishte në një lidhje direkte me edicionin informativ të lajmeve në “Vizion Plus”, ku foli për masat e reja të ndërmarra për të frenuar përhapjen e koronavirusit.
Mes të tjerave Rama u pyet edhe për jetën e tij private, sesi ka ndikuar kjo periudhë nga tërmeti i 26 nëntorit te kriza e koronavirusit.
Kryeministri theksoi se ka probleme me gjumin, e megjithatë ai shprehet se mundohet të prodhojë energji për të rezistuar pavarësisht vështirësive:
“Ka ndikuar në formën e një pagjumësie kronike tashmë dhe në formën e një prodhimi të energjise ekstra për të rezistuar. Por nuk është koha për të bërë këto konkluzione sepse se është koha për të luftuar çdo ditë e çdo natë”.
Edi Rama përsëriti edhe një herë se jemi në luftë dhe se strategjia e qeverisë për ta fituar do të jetë e njëjtë.
Pak më herët kryeministri prezantoi sistemin e ri online të marrjes së lejeve për daljen që do të jetë i nevojshëm nga e hëna për të gjithë qytetarët në Tiranë. Pa leje askush s’do të mund të dalë dot për pazar.
