Spanja ka tejkaluar Kinën për numrin e viktimave nga virusi vdekjeprurës Covid-19, ndërsa para saj qëndron Italia, me numrin më të madh të jetëve të humbura.
Situata në Spanjë është bërë e papërballueshme, ndërsa deri tani janë konfirmuar 64,059 raste të infektuara me koronavirus.
Sipas një raporti nga Ministria e Shëndetësisë në Spanjë, ditën e sotme janë shënuar 769 viktima më shumë se dje, një shifër tejet e frikshme që po vjen në rritje dita ditës.
Ditën e djeshme u shënuan 4,089 jetë të humbura, ndërsa sot numri i viktimave ka shkuar në 4,858.
Megjithatë, drejtori i Qendrës së Emergjencës Shëndetësore, Fernando Simon, është shprehur se numri aktual i rasteve të koronavirusit është shumë më i lartë se këto shifra, por jo të gjithë mund të testohen për shkak të mungesës së testeve.
Në rang global, numri i të prekurve nga Covid-19 ka shkuar në 549,305, ndërsa deri tani 24,871 persona kanë humbur jetën.
