Mëngjesin e sotëm ka ndërruar jetë personi i 8-të i prekur me Covid-19 në vendin tonë.
66-vjeçari i cili po trajtohej prej dy ditësh në spitalin infektiv në QSUT, ka ndërruar jetë papritur pas një infarkti.
Viktima, nga qyteti i Fierit, vuante nga sëmundje kronike pulmonare, hipertension, hemorragji gastro-intestinale.
Ai s’ka mundur dot ta përballojë për shumë gjatë dhe ka ndërruar jetë në spital.
Gjithashtu, në vendin tonë janë regjistruar 176 raste të prekura me koronavirus, mes tyre edhe 4 fëmijë.
Ndërkohë, presim që Ministria e Shëndetësisë të japë sërish një njoftim zyrtar të bilancit të të infektuarve ditën e sotme.
