Nuk respektuan rregullat, gjobiten 1200 qytetarë

Ministri i Brendshëm, Sandër Lleshaj nëpërmjet një postimi në Facebook ka njoftuar se 1200 qytetarë janë gjobitur.

Ata kanë thyer rregullat e vendosura nga qeveria duke lëvizur në qytet me biçikleta apo në këmbë.

Lexo edhe :

Bashkohuni në protestë! Punonjësit e shtetit nuk janë mburojë e pushtetit

23:17 07/06/26

“U kurova falë rrjeteve sociale, jo falë sistemit”/ Dajana Kalo i përgjigjet Ramës: Po qytetarët e zakonshëm që nuk kanë zë, kush i dëgjon dhe kush i shpëton?

22:41 07/06/26

Ai shkruan se qytetarët kanë marrë gjobë me masë 10 mijë lekë të reja dhe janë të detyruar ta shlyejnë.

“Rreth 1200 qytetarë janë ndëshkuar me masë administrative 10 mijë lekë, pasi janë konstatuar nga shërbimet policore apo njoftuar përmes telefonatave në 112 ose Komisariatin Dixhital, duke lëvizur me këmbë apo biçikletë pa arsye a emergjencë.

E vetmja mënyrë për të shpëtuar veten e familjarët tuaj është të qëndroni në shtëpi. NUK ka zgjidhje tjetër.
Në të kundërt, masat policore për ndëshkimin e shkelësve, do të jenë më të ashpra e të forta. ASKUSH nuk do të tolerohet”, shkruan ministri.

Prej 3 javësh në vendin tonë janë marrë masa ekstreme për të parandaluar përhapjen e koronavirusit.

I vetmi orar që lejohen lëvizjet është 05:00-13:00.