Në një lidhje direkte me emisionin e mëngjesit në “ABC News”, aktivistja shqiptare për mbrojtjen e të drejtave të emigrantëve, Sonila Alushi, ka folur për situatën e koronavirusit në Itali.
Ajo rrëfeu se e gjithë familja e saj u infektua dhe janë izoluar prej ditësh, pa e parë njëri-tjetrin.
Silva tregon se bën më shumë se 10 telefonata ngushëllimi në ditë, pasi njerëzit që po vdesin janë të panumërt.
Ajo rrëfeu se situata është më keq se në Shqipëri dhe i bën thirrje popullit të zbatojë rregullat, sepse vetëm kështu mund të mposhtë ekonominë.
“Sipas këshillave që morëm me mjekun e familjes, mesa duket ishte koronavirus. Të gjithë u izoluam edhe pse nuk e kishim sigurinë. Kemi 28 ditë që nuk shihemi me vjerrin pasi është izoluar sepse rreziku i tij është më i madh, për shkak të problemeve të tjera shëndetësore”- tregoi ajo.
“Sëmundjen e kemi përjetuar në mënyra të ndryshme. Nuk u kurova me mjekime. Mora informacion nga mjeku. Në këtë moment që flasim jam në ditën e 20. Në rastin tim kam pasur dhimbje koke, temperaturë, rëndesën në kraharor e ndjeja, por në krahasim me të tjerët e mora vetën shumë shpejt. Në këtë moment Bergamo po humb një gjeneratë të tërë, flasim për moshën rreth 70 vjeç. Kam bërë mbi 10 telefonata për ngushëllime. Humbjet janë të përditshme, janë më shumë se numrat shqiptarë. Në disa raste ka vdekje në shtëpi dhe këto kufoma qëndrojnë në shtëpi edhe për ditë me radhë. Na thonë që në këtë provincë po vdesin më shumë njerëz. Koronavirusi por vret më shumë.
Para tre ditësh fqinja na tha që kishte humbur bashkëshortin dhe ne e morëm vesh nga ballkoni. Është vërtet e pabesueshme.”- rrëfeu aktivistja.
